Fermandar Bêrîtan (Gulnaz Karataş) di salvegera 34’emîn a şehadeta xwe de li qadên gerîla ji aliyê hevrêyên xwe ve hate bîranîn. Gerîlayên YJA Starê bi wesîleya salvegera şehadeta şehîd Bêrîtan hest û fikrên xwe anîn ziman.
Avaşîn Efrîn: Beriya her tiştî di salvegera şehadeta hevala Bêrîtan de şehîdên azadiyê hemûyan bi hurmet bi bîr tînin. Bi saya ked û heqîqeta şehîdên me yên pêşeng em gihîştin vê astê. Em ê keda van lehengan ti carî ji bîr nekin. Hevala Bêrîtan bi sekna xwe xeta fedaîtiyê nîşanî me da. Xeta Bêrîtan xeta azadiyê ye; di heman demê de xeta şehîdên me hemûyan e. Em jî li dora vê xetê dicivin û xwe li ser vê bingehê perwerde dikin. Bi taybetî di vê pêvajoyê de hevrêtiya rast a bi Rêber Apo re bi fêhmkirina rast a şehîdan dibe. Bi saya hevrê Bêrîtan weke gerîlayên YJA Starê em h înî têkoşînê bûn, me xwe nas kir, em bûn xwedî nasnameyekê. Li ser vê bingehê em soza xwe dubare dikin ku xwedî li mîrateya şehîdan derkevin.
Azê Azad: Bi wesîleya salvegera şehadeta hevala Bêrîtan hevrêyên şehîd hemûyan bi hurmet bi bîr tînim. Xwedîderketina li xeyalên hevrêyên me yên şehîd ji bo me wezîfeyeke bingehîn e. Dema ku hestên xwe yên têkildarî şehîd Bêrîtan bîne ser ziman didbe ku em kêm bimînin. Lê belê em îro li ser şopa hevala Bêrîtan in û dixwazin hêjayî şehîdên azadiyê bibin, têkoşîneke rast bimeşînin. Bêrîtan bi ked û zanebûna xwe gihîşt asta fedaîtiyê; di şexsê wê de artêşa jinê ava bû. Bi saya fedakariya hevala Bêrîtan em gihîştin vê astê. Weke gerîlayên YJA Starê em ê xwedî li xeyalên hevrêyên xwe yên şehîd derkevin ku dixwestin Rêber Apo azad bikin û têkoşîna xwe mezin bikin.
Bêrîtan Zagros: Weke gerîlayên YJA Starê di şexsê hevala Bêrîtan de şehîdên me yên di meha Cotmehê de şehîd bûn hemûyan bi bîr tînin û soz didin ku xeyalên wan pêk bînin. Weke YJA Starê bi taybetî bi saya mîrateya şehîdan em têkoşîneke bi vî rengî xurt dimeşînin. Di şexsê Bêrîtan de em bûn xwedî nasnameya jin a berxwedêr. Sekna şehîd Bêrîtan tenê ji berê re nema; di her kêliyê de jinûve tê jiyîn. Çawa ku hevala Bêrîtan xeta Besê û Zarîfeyan ji xwe re kir esas û li ber xwe da, em jî li ser bingeha heqîqeta wan şehîdan xwedî li xeta jin a azad dderdikevin. Hevala Bêrîtan ji bo heqîqeta Rêbertî rast fêhm bike her tim hewl dida. Xwe li ser vê xetê zelal kiribû û ji ber vê jî helwestên rêxistinbûyî û radîkal nîşan dida. Ev sekn bi taybetî bû bingeha têkoşîna me ya azadiyê. Armanca me pêkanîna azadiya fîzîkî ya Rêber Apo, xwedîderketina li xeyal û têkoşîna şehîdan e.
