Komîteya Kedê ya DEM Partiyê bi daxuyaniyekê, bi bîr xist ku salek berê li Dilovasiyê di şewata atolyeya tijekirina parfûmê de 3 jê zarok 7 karkeran jiyana xwe ji dest dan û 6 karker jî birîndar bûn.
DEM Partiyê, diyar kir ku bûyera ku qewimî ne karesateke xebatê ya ji rêzê ye û got ku nebûna tedbîrên ewlehiya kar û neçavdêrkirin bûye sedema vê karesatê.
DEM Partiyê, destnîşan kir ku malbatên karkerên ku jiyana xwe ji dest dan hîn jî li bendê ne ku edalet pêk bê û xwest ku her kesê ku di bûyerê de berpirsiyar e bê darizandin û berpirsiyariya saziyên giştî jî bê lêkolînkirin.
Di daxuyaniyê de, banga bidawîkirina xebata bêewle, parastina mafên sendîkayî û çêkirina çavdêriyeke bi bandor li cihên kar hat kirin.
DEM Partiyê, 7 karkerên ku jiyana xwe ji dest dan bi bîr anî û diyar kir ku ew ê piştgiriya têkoşîna edaletê ya malbatan bidomînin.
