Ûkrayna ku êrişên rojane yên hewayî yên Rûsyayê lê zêde bûne, xwe yek ji zivistanên herî giran re amade dike. Êrişên bi fuze û droneyan ên Rûsyayê yên li ser şebekeya elektrîkê, xisareke cidî da binesaziya enerjiyê.
Şîrketa enerjiyê ya Ûkraynayê DTEK’ê li ser Telegramê daxuyanî da û diyar kir ku ji ber êrişên doh bi şev zerareke girîng li navendên enerjiyê bûye û li herêma Dnipropekrovskê zêdeyî 600 hezar mirov bê elektrîk mane.
Şîrketê ragihand ku ji ber dewamiya êrişan, karê sererastkirina şebekeya elektrîkê zehmet dibe.
Êrişeke din a Rûsyayê li ser herêma Harkivê bi droneyan li dijî “tesîseke krîtîk” hate kirin.
Şaredarê Zlatopilê Mykola Baksheyev li ser hesabê medya dîjîtal daxuyanî da û diyar kir ku ji ber êrişê li herêmê nêzî 250 hezar kes bê elektrîk mane.
