DYE’yê ragihand ku duh bi şev li Iraq û Sûriyeyê êrîşî 85 hedef û 7 tesîsan kiriye. Ev êrîş weke tolhildana êrîşa alîgirên Îranê hate nirxandin ku êrîş çend rojan beriya niha li ser baregeheke leşkerî ya DYE’yê ya li Ûrdinê pêk hatibû û di encama êrîşê de 3 leşkerên DYE’yê hatibûn kuştin.
Berdevkê Hikûmeta Iraqê Basim Ewadîyî got: ‘’DYE’yê careke din hêzên me yên ewlehiyê yên li Elqaîm û Ekaşatê hedef girt û serweriya Iraqê binpê kir.’’
Basim Ewadîyî ragihand ku sivîl jî di nav de 16 kes hatine kuştin û 25 kes jî birîndar bûne.
Ewadîyî diyar kir ku DYE’yê derbarê êrîşan de tu agahî nedaye Hikûmeta Iraqê.
