Li gorî medyaya dewletê ya hikûmeta demkî ya Şamê, di operasyonê de tesîsek hate hedefgirtin ku berê du caran ji aliyê hêzên hewayî yên Îsraîlê ve hatibû bombekirin.
Herêma navborî li nêzî yek ji banliyoyên Şamê Kesveh e.
Di êrîşa ewilî ya roja sêşemê de, li gorî Wezareta Karên Derve ya Sûriyeyê 6 leşkerên Şamê miribûn.
Roja çarşemê car din li heman qadê hate xistin, piştre yekîneyên Îsraîlê bi helîkopteran daketin herêmê.
Hûrgûliyên operasyonê hîna zelal nebûne, hat ragihandin ku li hêrêmê liv û tevgera balafirên keşfe zêde ye.
Navenda Çavdêriya Mafên Mirovan (SOHR) ku navenda wê Îngilistan e, ragihand ku ev êrîş piştî hilweşîna rejîma Beşar Esad a Kanûna 2024’an, bû liv û tevgera bejahî ya ewilî ya Îsraîlê.
SOHR’ê her wiha diyar kir ku li herêma hatî hedefgirtin, çekên ayîdê Hîzbûllah hene.
Li gorî ajansa fermî ya Şamê SANA’yê, hêzên Şamê beriya êrîşên hewayî li herêmê “cîhazên îsterehetê û çavdêriyê” bi dest xistibû.
Îsraîl di mehên dawî de li Sûriyeyê bi sedan êrîşên hewayî pêk anîn, piştî Esad cara ewilî bi rêveberiya nû re weke dîplomatîk peywendî çêkir. Lê operasyona bejahî ya dawî, di vê dema nû de weke geşedanek girîng tê nirxandin.
KATZ: HÊZÊN ME LI HEMÛ ENIYAN FEALIYET DIMEŞÎNIN
Li gorî medyaya Îsraîlê Wezîrê Parastinê Îsraîl Katz îşaret bi operasyona li Sûriyeyê kir û got, “Hêzên me ji bo ewlehiya Îsraîlê pêk bînin, li hemû eniyan şev û roj fealiyet dimeşînin.”
