Dema ku rapor pêşkêşî parlamentê hate kirin Serokwezîr Anthony Albanese diyar kir ku ji bo bidawîkirina vê newekheviyê hîn divê gavên girîng bêne avêtin.
Serokwezîr Albanese anî ziman ku ji 19 armancan di 11 armancan de gav hatine avêtin, lê belê tenê pênc jê ketine ser rêya bicihanînê.
DEMA JIYANÊ BI 8 SALAN HÎN KÊMTIR E
Li gorî daneyên fermî, dema jiyanê ya Aborjînan li gorî Awûstralyayiyên din bi qasî 8 salan hîn kêm e.
Rêjeya girtinê ya Aborjînan jî li gorî yên komên din bi deh qatî zêdetir e.
Albanese anî ziman ku ji bo başkirina xizmetên bingehîn ên ji civakên xwecihî yên li Herêma Bakur wê di nava 6 salan de 843 milyon dolarên Awûstralyayê (Nêzî 513 milyon Euro) razemeniyê bikin.
Serokwezîr Albanese got, “Em encamên şênber bi dest dixin, lê belê hîn rêyeke dirêj li pêşiya me ne ku divê em bimeşin”. Ji bo bidawîkirina newekheviyê jî diyar kir ku hewldanên wan wê bi biryardarî dewam bikin.
