CEO’yê Nvidia Jensen Huang ji Financial Times’ê re axivî û diyar kir ku qedexeyên DYE’yê ya îxracata çîpan ji bo Çînê, encamek berovajî bi xwe re tîne û got ku ev polîtîka pêşketina Çînê di warê hişê çêkirî û hilberîna çîpan de leztir dikin.
Huang da zanîn ku Çîn niha di pêşbirka zekaya çêkirî de pir nêzîkî Dewletên Yekbûyî yên Emerîkayê (DYE) ye û got ku ji bo DYE’yê serdestiya xwe biparêz e, divê pêşdebirên cîhanî bikişîne aliyê xwe.
Huang, her wiha diyar kir ku vekişîna DYE’yê ji bazara Çînê dê hevsengiya hêzê ya cîhanî li dijî Washingtonê biguherîne.
DYE’yê çîpên hişê çêkirî yên herî xurt ên Nvidia ji bo Çînê bi hincetên ewlehiya neteweyî qedexe kiribû. Bi taybetî ji bo çîpên bi navê Blackwell ku modela herî dawî ye, ne hişt ku biçe Çînê.
Washington dibêje ku Çîn dikare van çîpan ji bo serdestiya leşkerî bi dest bixe, bikar bîne.
