Partiya Herêman a Demokratîk (DBP) beriya 7’emîn Kongreya Asayî ku wê di 12’ê Çileyê de li Enqereyê lidar bixe, li Amedê civîna gel a girseyî lidar dixe. Civîn, li eywaneke dawetan a li bajêr tê lidarxistin. Hevserokên Giştî yên DBP’ê Keskîn Bayindir û Çîgdem Kiliçgun Ûçar û Hevseroka Giştî ya Partiya Demokrasî û Wekheviyê ya Gelan (DEM Partî) Tulay Hatîmogûllari, Hevserokê Giştî yê Partiya Sosyalîst a Bindestan (ESP) Mûrat Çepnî, Hevserokê Giştî yê Partiya Jinûvedarizandina Sosyalîst (SYKP) Mertcan Tîtîz, hevşaredarên DEM Partiyî û nûnerên partiyên siyasî û rêxistinên civaka sivîl ên bajar tev li bûn. Di civînê de coşeke mezin hebû û kesên dê di serdema nû de Hevserokatiya Giştî ya DBP’ê bikin hatin ragihandin.
Di encama civîn û xebatan de biryara hate dayin ku Hevserokên Giştî yên DBP’ê Çîgdem Kiliçgun Uçar û Keskîn Bayindir di serdema nû de jî peywira xwe bidomînin. Piştî ev agahî hatî ragihandin, Hevserokên Giştî Çîgdem Kiliçgun Uçar û Keskîn Bayindir derketin ser dikê û gel slav kirin.
Piştre jî welatiyan hevserokên giştî pîroz kirin.
