Berdevka Partiya Demokrasî û Wekheviyê ya Gelan (DEM Partî) Ayşegul Doganê tekildarî civîna Desteya Rêveberiya Navendî (MYK) ya DEM Partiyê li navenda giştî ya partiyê daxuyanî da.
Ayşegul Dogan anî ziman ku wan di civînê de gelek mijar nîqaş kirinê û yek jî ji wan keresatên xwezayî bûnê û ji kesên jiyana xwe ji dest danê re sersaxî xwest. Ayşegul Dogan diyar kir ku sedema van keresetan yek jî krîza avhewayê bû ye û got: “Em van bi kerasetên xwezayî nanirxînin. Ew encama polîtikayan û xemsariyê ne. Divê amadekariya van karesatan bihata kirin.”
Ayşegul Dogan serketina Amedsporê jî pîroz kir û got, Amedspor tevî hemû zextan jî bi serket û ji hemû gelan re bû ye hevî. Ayşegul Dogan bal kişand ser bûyerên pêvajoya Aştî û Civaka Demokratîk û wiha dirêjî da axaftina xwe: “Me peşniyara pêvajoya Aştî û Kordînasyona siyasî ya Devlet Bahçelî jî nirxand. Çêkirina qanûnan, tespît, teyîd û gelek mijarên pêvajoyê me nirxand. Pêdiviya bingehîn a Tirkiyeyê çareseriya demokratik û ji bo vê jî îradeyeke siyasî heye. Çareseriya demokratik û aştiya mayîndê pêdiviya me hemûyan e. Ew mijar hemû gelên Tirkiyeyê alaqadar dike. Weke DEM Partiyê em vêbûna pêşiya demokrasiyê ya Tirkiyeyê pir girîng dibînin û wateyeke mezin didin pêşniyarên bi vî rengî.”
Bi dewamî Ayşegul Dogan destnîşan kir ku ji bo pêşveçûna pêvajoyê statuya Rêber Apo hewcedariyeke bingehîn e û got, “Hem ji bo avakirina aştiyê û hem jî vêbûna rêyên siyasî divê şert û mercên birêz Abdullah Ocalan ku aktorekî serekeyê werin baş kirin. Nîqaşên pêvajo xitimiyê, çi dibiyê û gelek mijarên raya giştî meraq dike hene. Di pêvajoyê de derengiyê xistin hene û hin pirsgirêk hene. Weke DEM Partî ji bo çareseriya van pirsgirêkan hewldanên me jî hene. Ew pêvajo pir girîng e û divê li gor vê yekê hemû kes nêzî pêvajoyê bibin.”
Ayşegul Dogan bi lêv kir ku ji bo çêkirina qanûnan divê siyaset gavên wêrek biavejê û wiha got: “Ji ser xwe fesihkirina PKK’ê re salek derbas bû. Piştî fesixê gelek gavên dîrokî hatin avetin.Rêvebera Rêxistinê Bese Hozat jî di nav de endamên rêxistinê çekên xwe şewitandin. Lê di pêvajoya çêkirina qanûnan de derengî xistin heye. Hin siyasetmedaran jî gotin xwezî bihata. Lê salek derbas bû ye hê qanûn nehatinê çêkirin. Em jî dibêjin divê pêvajoya çêkirina qanûnan derengiyê neyê xistin. Em hevî dikin ew pêvajo neyê derengxistin û qanûnên hemû kesan bigirê nava xwe bên li darxistin. Ji bo vê yekê jî divê siyaset gavên werek baveje. Divê li gor serdema nû gav bên avetin û zimanekî serdema nû bê bikaranîn. Divê zemîna hiqûqê ku aştî bibe civakî bê ava kirin û siyaset jî li gor vê tevbigere.”
Ayşegul Dogan destnîşan kir ku Rêber Apo di pêvajoyê de “aktorê esasî” ye û divê şert û mercên wî yên hiqûqî û siyasî jî li gorî vê bêne sererastkirin.
Ayşegul Dogan destnîşan kir ku divê Rêber Apo fikir û ramanên xwe raste rast ji civakê re bikaribe parve bike û wiha pê de çû: “Me di serî de digot divê birêz Ocalan bikare ji rojnamevan û raya giştî re fikir û ramanên xwe parve bike. Ji bo wê heta niha hevdîtin pêk nehatiye. Ew yek jî di civakê de fikaran çêdike. Ji bo ew fikar jî çênebin divê hevdîtin bi rêk û pêk bên kirin û birêz Abdullah Ocalan fikir û ramanên xwe jî bikaribe raste rast parve bike.”
Ayşegul Doganê da zanîn ku xebatên ji bo kongreyê jî di rojeva wan de ne û tekildarî xebatên kongreyê jî ev tişt anîn ziman: “Em ê di meha Îlonê de kongreya xwe pêk bînin. Hîn roj ne diyar e. Amedekarî û xebatên me yên ji bo kongreyê jî wê destpêbikin. Em ê li bajar û navçeyan konferansan li darbixin. Kongreya wan dê bibe ji nû ve ava kirinê û ji bo wê jî di konferansên bên li darxistin de li ser ji nû vê ava kirinê nîqaş û nirxandin bên kirin. Ji bo wê heta ew di konferansê de nehatin nîqaşkirin ji agahiyên weke nav wê biguherê an logo wê biguhere bawer nakin. Hîn biryareke me ye bi vî rengî tune ye.”
Ayşegul Dogan bal kişand ser krîza aborî, got ku li gor rastî û pêdiviyên civakê polîtîka bên diyar kirin û ev tişt gotin: “Hevşeredarê me yê Colemêrgê Mehmet Siddik Akiş bi awayekî li dijî hiqûqî hat ceza kirin. Hevseroka me ya giştî Tulay Hatîmogullari jî dê îro serdanê bike. Piştî serdanê dê hê agahiyan parvebike.” Di berdewamê de Ayşegul Dogan 15ê Gulanê Cejna Zimanê Kurdî pîroz kir û ev tişt gotin: “Kurdî ji avabûna komarê vir ve di bin zextên dewletê de ye. Îro jî zextên li ser Kurdî û astengkirina mafê perwerdehiya bi zimanê Kurdî berdewam dike. Divê astengiyên li pêşya zimanê dayikê bên rakirin û hemû gelên Tirkiyeyê bi zimanê xwe yê dayikê bikarin perwerdehiyê bibinin.”
