Heyeta AKP’ê ji bo pîrozkirina cejnê serdana Navenda Giştî ya DEM Partiyê kir.
Di nava heyetê de wekîlên AKP’yî Resûl Kûrt, Saniye Enfiyecî û Abdulkadîr Kadîroglû hebûn.
Heyeta DEM Partiyê jî bi rêya Ozturk Turkdogan, Yuksel Mûtlû û Huseyîn Olan mêvanên xwe pêşwazî kir.
Ji DEM Partiyê Yuksel Mûtlû di dema serdanê de axivî û bal kişand ser dayikên ku zarokên wan li girtîgehan û li goristanê ne û hêviya aştiyê kir.
Resûl Kûrt ê ji AKP’ê jî got, “Banga ku Îmraliyê bi berpirsyariyeke mezin kir, di nava civakê de bersiva xwe ya erênî dît.”
Di heman demê de heyetek ji DEM Partiyê jî serdana Navenda Giştî ya AKP’ê kir. Heyeta DEM Partiyê jî ji aliyê rayedarên AKP’yî Belgîn Ûygûr, Necmettîn Erkan û Rûkiye Toy ve hate pêşwazîkirin.
Partiya Gelecekê jî serdana DEM Partiyê kir. Ji heyeta Partiya Gelecekê Meryem Turktekîn destnîşan kir ku divê pirsgirêkên bingehîn ên li Tirkiyeyê bi rêya diyalogê bêne çarserkirin. Nûnerên DEM Partiyê jî diyar kirin ku ew ji bo Tirkiyeyeke demokratîk têdikoşin.
Serdanên ji bo pîrozkirina cejnê wê bi serdanên Partiya Saadetê û Partiya DEVA dewam bikin.
