Di daxuyaniya ku ji aliyê Komîsyona Bawerî û Gelan ya DEM Partiyê ve hate dayîn de hate îfadekirin ku helwesta Miftîtiya Navçeyê ya li hemberî zimanê Kurdî nayê qebûlkirin.
Di daxuyaniyê de hate diyarkirin ku ziman û çandên cuda di baweriya Îslamiyetê de weke dewlemendiyan tên dîtin û bal kişandin ser ayeta Quranê ya dibêje; ‘’Cudabûna ziman û rengên we yek ji ayeta Xwedê ye.’’
Hate destnîşankirin ku qedexekirina Kurdî li dijî aşitiya civakî û azadiya baweriyê ye.
Komîsyonê diyar kir ku beşeke mezin ya cemaetê ji Kurdan pêk tê û li mizgeftan dayîna xutbeyan ya bi zimanê dayikê hem egereke civakî ye hem jî wijdanî ye.
Di daxuyaniyê de hate îfadekirin ku divê saziyên olê cihêkariyê nekin berovajî wê roleke ku pêkvejiyana gelan xurt bike, bigirin ser milên xwe.
Her wiha komîsyonê bang li Serokatiya Karên Olî û miftîtiyên eleqedar kir ku dev ji sepanên zextkar ên li ser zimanê Kurdî berdin û telîmata berbehs were betalkirin.
