Di daxuyaniyê de Hevserokê Komîteya Kurdistan Silo Dirboyan û bavê şehîd Rûken, Mîlo Kelaşyan axaftin kirin.
Silo Dirboyan got: “Carek din gelê me dikin qurbanê polîtîkayên xwe yên qirêj û dixwazin bê Kurdan di Rojhilata Navîn de dîzaynê çêbikin. Em wek gelê Kurd bang li hêzên navnetewî dikin ku êdî komploya li ser gelê me bi dawî bikin. Rojava bi tenê nîne, em hemû li pişta berxwedan û têkoşîna Rojava ne.”
Mîlo Kelaşyan jî ev tişt got: “Em Kurd hemû yek in, dijmin ji hêz û hebûna me ditirse. Bi sedan salin hemû rêbazên dermirovî li hemberî me bi kar anî, lê hûn bi ser neketin.”
Daxuyanî bi dirûşma “Yek yek gelê Kurd yek”, “Bijî berxwedan Rojava”, “Şehîd namirin”, “Jin jiyan azadî” û “Bijî Serok Apo” bi dawî bû.
