Îro, şandeya KNKˊê serdana Meclisa Rêveber a Rêveberiya Xweseriya Demokratîk a kantona Cizîrê û HRRKˊê kir.
Şande ji hevserokê KNKˊê Ehmed Karamûs, endamê Koordînasyona Serokatiya KNKˊê Şêrko Hemê Emîn, endamê Koordînasyona KNKˊê Dr. Hekîm Ebdurehîm, endama Koordînasyona Serokatiya KNKˊê Perwîn Ezîz, endama Koordînasyona KNKÊˊ Mecde Ebas û endamê Komîteya KNKˊê ya Rojava Silêman Îlyas û endamê Desteya Rêveber a KNKˊê Ekrem Hiso pêk tê.
Hevserokê Meclisa Rêveber a kantona Cizîrê Hesen Şero û Şêwirmenda rêveberiya Xweser Jiyan Hesen şande li navenda meclisê ya Qamişloyê pêşwazî kir.
Di hevdîtinê de girîngiya yekrêziya Kurdî, pêşdeçûnên li herêmê hatin nîqaşkirin.
Dûre şandeyê serdana Hevgirtina Rewşenbîrên Rojavayê Kurdisatnê (HRRK) ya li taxa Siyaî ya Qamişloyê kir.
Her du aliyan li ser rewşa siyasî, bandora êrişên dawiyê li ser pêşxistina yekitî û hevgirtina gelê Kurd li tevahî cîhanê axivî.
Wê şande gera xwe li nava bajarê Qamişloyê bidome, hevdîtinê bi Şandeya Danûstandinê ya Kurdî ya ji Konferansa Qamişloyê ya 26ˊê Nîsana 2025ˊan hatiye avakirin, bike.
