Fermandariya Hêzên Ewlekariya Hundirîn a Herêma Bakur û Rojhilatê Sûriyeyê ragihand ku 2 kesên girêdayî şaneyên terorîst ku li ser motorsîklêtê bûn, duh êrîşî benda kontorlê ya hêzên wan a li bajarokê Kisrayê kirin.
Fermandariyê di daxuyaniyê de diyar kir ku hêzên wan bersiva êrişê dan û êrişkar neçar man birevin.
Fermandariyê daxuyand ku di êrîşê de tu zerar li hêzên wan nebûye û diyar kir ku piştî êrişên hêzên wan ji bo lêgerîna li şaneyê dewriyeyan meşandine. Her wiha ragihand ku dê ji bo mîsogerkirina ewlehiya herêmê û rêgirtina li ber hewldanên têkbirina istiqrara herêmê tedbîrên pêwîst ên ewlehiyê girtine.
Fermandariya Hêzên Ewlekariya Hundirîn diyar kir dê ku erka xwe ya parastina welatiyan û ewlehiya herêmê bidomîne.
