Hate diyarkirin ku êrişa bi kêrê ya ku danê sibê li Gara Trenê ya Winterthurê pêk hat û di encamê de 3 kes û yek jê giran birîndar bûn, êrişeke terorî ya cîhadî ye.
Rayedarên Swîsreyî yên ku derbarê bûyerê de daxuyanî dan, ragihandin ku gumanbarê êrişê xwediyê hemwelatiya Swîsre û Tirkiyeyê ye. Hate destnîşankirin ku êrişkar kesekî wisa ye ku ji aliyê polîsan ve tê naskirin û berê di çarçoveya lêpirsîna li ser Mizgefta An’Nur a li Winterthurê de wek gumanbar cih girtiye. Her wiha rayedaran eşkere kirin ku di borî de derbarê êrişkar de bi angaşta “propagandaya DAIŞ’ê dike” giliyê wî hatiye kirin.
Rayedaran diyar kirin ku êrişkar pirsgirêkên derûnî dijiyan û di klînîkeke psîkyatriyê de dihat dermankirin; êrişkar êvara çarşemê hatiye derxistin û şandine mala wî.
