Heyeta Îmraliyê ya Partiya Demokrasî û Wekheviyê ya Gelan (DEM Partî) li Debaşan (Mala Celal Talabanî) a Silêmaniyeyê bi Lîderê YNK’ê Bafil Talabanî û Alîkarê Serokwezîrê Herêma Kurdistanê ya Federe Qubat Talabanî re hevdîtin kir.
Di daxuyaniya DEM Partiyê de hate gotin, “Heyeta ji endamên Heyeta Îmraliyê ya DEM Partiyê Pervîn Bûldan û Sirri Sureyya Onder, Hevserokê Giştî yê DBP’ê Keskîn Bayindir, Hevberdekê me yê Komîsyona Têkiliyên Derve Berdan Ozturk, parlamenterên me Gulcan Kaçmaz Sayyîgît û Mehmet Kamaç û parêzerên Buroya Hiqûqê ya Sedsalê di roja sêyemîn de danûstandinên xwe yên li Rêveberiya Herêmî ya Kurdistanê dewam dike.
Heyetê îro li Silêmaniyeyê bi Lîderê YNK’ê Bafil Talabanî û Alîkarê Serokê Rêveberiya Herêmî ya Kurdistanê Qubat Talabanî re hevdîtin kir. Hevdîtin li mala Celal Talabanî pêk hat û saetekê û 15 deqeyan dewam kir. Heyeta Îmraliyê têkildarî hıevdîtinên bi Birêz Ocalan re agahî da ji YNK’ê û Talabaniyan jî têkildarî pêvajoyê nêrîn, pêşniyarê wan wergirt.
Heyet wê piştre serdana gora Celal Talabanî bike û hevdîtinên xwe biqedîne û ji Rêveberiya Herêmî ya Kurdistanê biçe.”
