Hevpeymaniya Hêzên Siyasî ya Rojhilatê Kurdistanê têkildarî êrişên duh û îro yên rejîma Îranê tevî agirbesta heyî li ser Herêma Kurdistanê, daxuyaniyek weşand.
Daxuyanî wiha ye;
“Êrişên di dema agirbestê de nîşana bêçaretiya siyasî û leşkerî ya rejîma Îranê ne!
Gelê têkoşer ê Kurdistanê!
Raya giştî û navendên navnetewî!
Komara Îslamî ya Îranê, careke din bi êrişên dronên kamîkaze serweriya Herêma Kurdistanê binpê kir û kampên penaberên siyasî yên li Rojhilatê Kurdistanê hedef girt. Van êrişan, ku di dema peymana agirbestê de hatin kirin, careke din naveroka rastîn ya rejîmekê eşkere kir ku qet baweriya xwe bi aştî û çareseriyên siyasî ne. Tundûtîjî û terorîzm stûnên sereke yên mayîndetiya wê ne. Ev êriş nîşana hêzê nînin. Berevajî vê, ew rastiya ku rejîm ji îradeya gelê me û bêçaretiya siyasî û leşkerî şaş û bêhêvî ye nîşan didin.
Mixabin, di pêla dawî ya van êrişan de li ser Kampa Azadî ya Partiya Demokrat û Kampa Sûrdaş ya Komela Zehmetkêşan, du Pêşmerge birîndar bûn. Pêşmergeya binavê Xezal Mûlan ku Pêşmergeyeke jin a Komela Zehmetkêşan, şehîd bû.
Em wek Hevpeymaniya Hêzên Siyasî ya Kurdistan a Îranê radigihînîn ku hedefgirtina sivîl û penaberan binpêkirineke eşkere ya qanûnên navnetewî û Peymanên Cenevreyê ye. Her wisa em Hevpeymaniya Hêzên Siyasî ya Kurdistan a Îranê bang li Hikûmeta Federal a Iraqê, DYA û NY’ê dikin ku ne tenê van êrişan şermezar bikin, lê gavên pratîkî jî bavêjin da ku van êrişan rawestînin, ku hem bêrêzî li serweriya Iraq û herêmê dikin û hem jî binpê dikin.
Divê rejîma Îranê bizanibe ku terorîzm, çavtirsandin û êrişên bi balafirên bêmirov nikarin îradeya neteweyê ji bo bidestxistina mafên xwe yên rewa lewaz bikin û ev êriş dê yekîtiya hêzên siyasî û gelê Kurd ji bo bidawîanîna zilm û dagirkeriyê xurt bikin.
Hevpeymaniya Hêzên Siyasî soza xwe ya ji bo şehîdên rêya rizgariyê nû dike ku emê têkoşîna xwe heta hilweşîna rejîma Komara Îslamî û bidestxistina mafên neteweyî yên gelê me bidomînîn.”
