Di daxuaniya nivîskî ya Fermandariya Parastina Neteweyî ya Siwêdayê de hate diyarkirin ku hêzên girêdayî Hikûmeta Veguhêz a Şamê yên li herêma Rima-Hazim û Mezrayê bi cih bûne, agirbest binpê kirine û ev yek hatin gotin:
“Hêzên Hikumeta Veguhêz ên Sûriyeyê yên li derdora Rîma-Hazim û Mezrayê bi cih bûne, careke din agirbest binpê kirin û bi çekên giran ên 23 mm êrişî bajarokê El Mecdelê kirin. Di gulebaranê de sivîl kirin hedef. Xwestin bi van êrişan tirsê di nav sivîlan de çêbikin. Hêzên me tavilê bersiva êrişê dan û êriş hatin sekinandin.”
Di daxuyaniyê de hate destnîşankirin ku Hêzên Parastina Neteweyî wê mîsyona xwe ya parastinê bidomîne û bi xurtî bersiva her binpêkirinan bide.
Şahidên bûyerê ên li herêmê diyar kirin ku şer heya saetên destpêkê yên vê sibehê bi awayekî kurtî dewam kir û li gel wê jî alozî li herêmê çêbûye.
