Komeleya Çand û Hunerê ya Mezopotamyayê, Hozan Mizgîn (Gurbet Aydin) ku hunera wê bandoreke mayînde hişt, di 34’emîn salvegera şehadeta wê de bi bîr anî. Gelek kes beşdarî bîranîna ku li gundê Xûrsê yê navçeya Qoserê ya Mêrdînê hat lidarxistin bûn.
Rêvebera Komeleya Çand û Hunerê ya Mezopotamyayê Sema Ozel Asî di bîranîna ku bi deqeyeke rêzgirtinê dest pê kir de axivî û diyar kir ku Hozan Mizgîn di bîra gelê Kurd de cihekî girîng digire û got: “Hozan Mizgîn ne tenê hunermendek bû. Ew navek bû ku bi deng, helwest û melodiyên xwe berxwedana gel xurt kir. Tevî salên ku derbas bûne jî, stranên wê di dilê gel de dijîn.” Sema Ozel Asiyê bal kişand ser zext û qedexeyên li ser hunermendên Kurd û got: “Îro zext û zordariya li ser ziman û çanda Kurdî berdewam dike. Lêbelê, mîrateya ku Hozan Mizgîn hiştiye nîşanî me dide ku huner û çand dê di her şert û mercî de bidome.”
Bîranîn bi stranên ku ji hêla Hozan Mizgîn ve hatine gotin, bi dawî bû.
Hozan Mizgîn li Qoserê hat bîranîn
Şehîd Hozan Mizgîn di 34’emîn salvegera şehadeta xwe de li Qoserê hat bîranîn.
Nirxandinek Bike
Nirxandinek Bike
Me Bişopîne!
Tu dikarî li ser gelek platforman rûpelên me bişopînî.
