Rayedarekî Filistînî ji AFP’ê re axivî û da zanîn ku teklîfa agirbestê girêdayî plana DYE’yê ya beriya niha hatiye amadekirin û li gel agirbesta 60 rojî, pêşniyar dike ku dîlgirtiyên Îsraîlî di du merheleyan de serbest werin berdan.
Rêveberê Hamasê Halil el-Hayya ku serokatiya heyeta berbehs dike, ragihand ku beriya ew teklîfê qebûl bikin, wê bi rêxistinê re bişêwire û bi komên hevalbend re hevdîtinan pêk bîne.
Hate îfadekirin ku teklîf di çarçoveya peymaneke wisa de ye ku hevdîtinên têkildarî agirbesta mayînde bide destpêkirin.
Rayedarên Misirê û Qeterê diyar kirin ku ew ji bo bidawîbûna krîza li qada şer zextên xwe yên li ser her du aliyan zêde dikin.
Her wiha hefteya borî jî hatibû ragihandin ku Misir, Qeter û DYE li ser planeke têkildarî agirbesta 60 rojî, pevguhertina dîlgirtiyan û belavkirina alikariyên mirovî dixebitin. Lê belê ji bilî agirbesta demkurt encamek jê derneketibû.
Li gorî nûçeya i24NEWS’ê ku xwe dispêre çavkaniyên li herêmê yên dîplomatîk, li gel Kahîre û Dohayê komên din ên Filistînî jî zextê li Hamasê dikin ku teklîfê qebûl bike. Çavkaniyan Ereban dan zanîn ku ihtîmal heye ku Hamas bi awayekî erênî li nêzî vê lihevkirina demkî ya xwe dispêre ‘’plana Witkoff a dawîn’’ bibe.
