Daxuyaniya Koordînasyona KJK’ê bi vî rengî ye:
“Em bi xemgîniyeke mezin hîn bûn ku Zeynep Cansiz jiyana xwe ji dest da, ku dayika pêşenga tevgera me ya azadiya jinê, berxwedêra mezin a zindanê û ji kadroyên pêşeng ên PKK’ê hevrêya me şehîd Sakîne Cansiz e. Di serî de malbata Cansiz em sersaxiyê ji gelê xwe yê welatparêz û dostan re dixwazin. Dayikên me ku şahid, hevrê û piştevanên xurt ên têkoşîna mezin a lêgerîna jiyana azad û nasnameya azad a jinan û jinên Kurd e, em ê keda wan a pîroz bi ser bixînin. Şerê mezin ji bo kêfxweşiya mezin tê kirin. Ji bo kêfxweşiyên mezin êşên giran têne kişandin. Hevrê Sakîne Cansiz ji bo kêfxweşiya mezin şerekî mezin kir û di vê oxirê de êşên giran kişand. Dayika me Zeynep weke afirînera vî şerê mezin, şahid û hevrêya wê, weke kedkara pîroz a têkoşîna me ya jinê wê her tim bê bîranîn.
Nakokiya herî balkêş, şer û pîvana pêşketinê ya şoreşa me li ser bingeha berdêla dayikan û azadiya jinê bi pêş ket, ku ev yek tesadufî nîne. Bi dayikên xwe re em bi rengekî dîrokî hişyar bûn û rastiya şoreşa jinê hate afirandin. Ji ber ku li Kurdistanê ku cografya avabûn û pêşketina civaka dayikê ye, sîstemên dagirker û mêtinger tenê bi azadiya jinê û afirandina jiyana bi rûmet dikarin ji holê bêne rakirin. Dîroka jinên Kurd a ku ji zinaran xwe avêtin, li kelehan li ber xwe dan, hatin qetilkirin lê ti carî teslîm nebûn, fermana vê heqîqeta pîroz dide me. Jiyana azad yek ji rastiyên derbasdar ên bingehîn; şertê afirandina welatekî azad û gelekî azad a ji bo azadiyê bi bîra me xistiye. Avakirina civaka dayikên me ya hate tinekirin, exlaqa wê civakê, pîvanên bedewiyê, têkiliyên demokratîk û azad û civaka dîrokî wê bibe yekane bersiva em bidin dayikên xwe. Dilê wan ê bi şewat bû seriyê ku ti carî nehate tewandin. Dilên bi êşê tijî û serên nehatin tewandin ji bo me emanet e. Em ê weke emaneteke civaka azad dayikên xwe di nava têkoşîna xwe de biparêzin û bi bîr bînin.”
