Wezîrê Karên Derve yê Danîmarkayê Lars Løkke Rasmussen bi zimanekî tund rexneyên Alîkarê Serokê DYE’yê JD Vance red kir ku îdîa kiribû, Danîmarka bi têrkerî razemeniyê li Groenlandê nekiriye.
Rasmussen anî ziman ku zimanekî bi vî rengî di navbera hevalbendan de nayê qebûlkirin.
Trump jî di hevpeyvîna xwe de ya bi NBC Newsê re kir, helwesteke hişk nîşan da û got, “Bi dîtina min, pêkhatina bêyî bikaranîna hêza leşkerî şensekî baş e.” Serokê DYE’yê got, “Pêwendiya vê yekê bi aştiya cîhanê û ewlekariya navneteweyî re heye. Lê belê hemû rê û alternatîf li ser maseyê ne.”
Alîkarê Serokê DYE’yê Vance li Groenlandê di serdana baregeha leşkerî ya DYE’yê de îdîa kiribû ku Danîmarkayê razemeniyeke têrker ji bo xelkê giravê nekiriye û gotibû, Washîntgon dikare peymanekê amade bike ku Groenlandê bi ser DYE’yê ve girê bide.
Vance diyar kiribû ku ji bo ewlekariya DYE’yê gaveke bi vî rengî pêwîstî ye û anîbû ziman ku divê Groenland serxwebûna xwe ji Danîmarkayê îlan bike.
Groenlad a li Cemsera Bakur ku xwedî cihekî stratejîk e û ji aliyê çavkaniyên xwe yên binê erdê ve dewlemend e, demeke dirêj e bala DYE’yê dikişîne.
Trump sala 2019’an gotibû, ew dixwaze Groenlandê bikire, lê belê Danîmarkayê ev pêşniyar red kiribû.
