Kongreya Civakên Demokratîk a Kurdistaniyên Li Ewropa (KCDK-E) diyar kir ku 8’ê Adarê weke rojeke ku ‘daxwaza azadiyê ya jinan’ gihandiye asta herî jor û destnîşan kir ku jin bi dirûşmeya ‘Jin Jiyan Azadî’ li dijî polîtîkayên dijminê jinê, dadikevin qadan.
Di daxuyaniyê de hate destnîşankirin ku ‘têkoşîna bi rûmet a jinên leheng’ ên li Kobanê û Rojava, hêvî û îlhamê dide gelên Tirkiye û Kurdistanê.
KCDK-E’yê anî ziman ku divê di 8’ê Adarê de têkoşîn were mezinkirin û wiha got: “Sakîne Cansiz, Bêrîtan, Leyla Qasim, Zîlan, Arîn Mîrkan, Besê, Asiye Yuksel û dayika Taybet ruhê 8’ê Adarê temsîl dikin. Têkoşîna li pey şopa van kesan, wê cîhanê hîn bêhtir nêzî azadî û wekheviyê bike. 8’ê Adarê serhildan û berxwedaneke li dijî mêtingeriyê ye.”
‘EM BIHERIKIN QADÊN TÊKOŞÎNÊ’
KCDK-E’yê di dawiya daxuyaniyê de wiha got, “Ji bo jiyaneke azad em di 8’ê Adarê de bikin biherikin qadên têkoşînê. Berxwedana jinan, ewlehiya herî girîng a civakê ye.”
