Komîsyona Gel û Baweriyan a DEM Partiyê bi wesîleya 47’emîn salvegera Komkujiya Mereşê daxuyaniyeke nivîskî weşand.
Komîsyon, destnîşan kir ku Komkujiya Mereşê ya sala 1978’an weke trawmayek mezin a civakî hebûna xwe didomîne û bibîr xist ku di vê komkujiyê de bi sedan Elewiyan jiyana xwe ji dest dane, mal û kargeh hatine şewitandin û bi hezaran mirov jî koçber bûne.
Komîsyon, da zanîn ku her çend 47 sal li ser komkujiyê derbas bûne jî, bûyer hê bi rastî nehatiye zelalkirin, berpirsiyar nehatine darizandin, pêvajoyên dadwerî bi bandor nexebitîne û arşîvên dewletê nehatine vekirin. Komîsyonê, anî ziman ku ev siyaseta bêcezatiyê zirarê dide aştiya civakî û hesta edaletê xera dike.
Komîsyon, diyar kir ku aştiyek mayînde ya li ser bingeha hemwelatîbûna wekhev bêyî hevrûbûna bi rastiyê re, bidestxistina edaletê û xurtkirina bîra giştî ne mimkûn e û herî dawî kesên ku di komkujiyê de jiyana xwe ji dest dane bibîr anî.
