Tevgera Jinên Azad (TJA) di çarçoveya pêngava “Ji Abdullah Ocalan re azadî, ji pirsgirêka Kurd re çareseriya demokratîk” de bi dirûşma “Diyalogên bi jiyana azad re” li gelek bajaran çalakî li dar xist.
AMED
Çalakî li avahiya Partiya Herêmên Demokratîk a Amedê (DBP) a Rezana Amedê hate lidarxistin. Li salonê pankarta “Bi Rêbertî re Diyalogên Jiyana Azad” hate daliqandin.
Çalakî bi deqeyeke rêzgirtinê dest pê kir. Piştre aktîvîsta TJA’yê Arzû Karaman axivî. Arzû Karaman da zanîn ku wan 3’yê Gulanê weke “Roja Azadiya Rêbertiyê” îlan kirine û ji bo azadiya fîzîkî ya Rêber Apo wê li qadan xebatên xwe bimeşînin. Arzû Karaman bal kişand ser wê yekê ku jin her tim dibin hedefa hikûmetê û ev tişt anî ziman: “Desthilat her tim hewl dide bi rêya jinên ku hedef digire civakek bêexlaq biafirîne. Dewlet polîtîkayên şerê taybet dimeşîne. Dewlet hewl dide xwe li ser civakek bêexlaq ava bike. Divê em li ser polîtîkaya şerê taybet bisekinin. Abdullah Ocalan diyar kir ku qetilkirina Narîn Guranê jî di heman demê de bûyereke ji ber nerêxistinbûyîna civakê ye. Divê em li dijî şer û pirsgirêkan bisekinin. Ji bo azadiya fîzîkî ya Rêbertiyê em ê li qadan bin, bi vê dirûşmeyê em ê li qadan bin. Azadiya Rêbertî azadiya jin û civakê ye. Cîhan Rêbertiyê nas dike, lê dewlet Rêbertiyê qebûl nake.”
Piştî axaftina Arzu Karaman, Hevseroka Komeleya Alîkariya bi Malbatên Girtî û Hikûmxwaran re (TUAY-DER) Yeter Erel Tuma helbesta diyarîkirina rojê xwend. Piştre sînevîzyonek hat pêşandan.
STENBOL
Li Stenbolê, di çarçoveya “Xwendinên Azadiyê yên Kûrevî” de, beşên ji pirtûkên Rêber Apo hatin xwendin. Çalakî bi dirûşma “Israra di sosyalîzmê de israra ji bo mirovbûnê ye” li avahiya Navenda Çanda Mezopotamyayê (NÇM) ya Beyoglûyê pêk hat.
Bername bi deqeyek rêzgirtinê dest pê kir. Piştre aktîvista TJA’yê Mîzgîn Dûrûk axaftina vekirinê kir. Mizgîn Dûrûk diyar kir ku ji bo azadiya fîzîkî ya Rêber Apo çalakiyan li dar dixin û wiha axivî: “Roja xwendinê ji aliyê her kesî ve bi coş hat qebûlkirin û qebûlkirin. Ev pêngav di 3’yê Cotmehê de li Ewropayê hat destpêkirin. Ji bo azadiya fîzîkî ya Rêbertî çalakî û daxuyanî hatin dayîn û analîzên Rêbertî hatin xwendin. Dema ku krîza modernîteya kapîtalîst tunekirina civak, xweza û çareseriyên nû yên jinan kûrtir kir. Paradîgmaya demokratîk a birêz Ocalan a li ser jinê û paradîgmaya azadiyê ya ku ji bo civakê pêşkêş kir, ne tenê ji bo jinên Kurd, ji bo gelê Kurd û hemû gelên cîhanê bûye alternatîfeke mezin.”
Çalakî bi nîqaşên jinan dewam kir.
ÎZMÎR
Li Îzmîrê jî bi pêşengiya TJA’yê li avahiya Partiya Wekhevî û Demokrasiyê ya Gelan (DEM Partî) çalakî hate lidarxistin. Di çalakiyê de sînevîzyona ku li ser têkoşîna azadiya jinan a paradîgmaya Rêber Apo hatibû amadekirin hate pêşandan û helbestan hatin xwendin.
