Bi deh hezaran şêniyên Kantona Firatê yên ji bajarê Kobanê, Sirîn û Eyn Îsa li girê Miştenûr Newroz bi coşeke mezin pîroz dikin. Di pîrozbahiyê de Rêveberiya Xweser, partiyên siyasî, sazî û rêxistin^ne sivîl û her wiha nûnerên ji tevahiya herêmên Bakur û Rojhilatê Sûriyeyê amade bûn. Di saetên serê sibê de gel bi posterên Rêber Apo ber bi qada pîrozbahiyê ve herikîn. Pîrozbahî bi pêxistina agirê Newrozê û guhdarkirina peyamên Rêber Apo destpê kir.
Cîgira Encûmena Cibicîkar a Kantona Firatê Mizgîn Xelîl: “Newroz ku nûnertiya azadî, aştî û demokrasiyê dike ji serdema Kawayê Hesinkar û vir ve bûye sembola têkoşîna azadî û edaletê. Em ê têkoşîna xwe ya ji bo azadiya Rêber Apo bidomînin.”
Endama Koordînasyona Kongreya Star Macîde Hesûn jî ev tişt gotin, “Divê agirê Newrozê di sala 2026’an de bi destên Rêber Apo were pêxistin. Em ê weke jin pêşengiya vê armancê bikin.”
Herî dawî koma Botan, hunermed Sûmeya Mihemed, koma dayîkan a govendê, hunermend Hisên Xanî, koma şehîd Yekta a şano, hunermed Daniş Botan, koma şehîd Sînan a govendê, hunermend Şêrîn Elî, hunermend Qemer, koma Gîvara û koma şehîd Xabûr dê stran, govend û hûnera xwe pêşkêş bikin.
