Di Nirxandina Gefa Salan de ku roja Sêşemê hate weşandin, ‘zexta’ Çînê ya li ser Taywanê û ‘Operasyonên sîber ên berfireh ên li dijî hedefên DYE’yê’ weke nîşaneyên gefên li ser ewlehiya DYE’yê hatin destnîşankirin.
Di belgeyê de ku ji aliyê ofîsa Dîrektora Îstîxbarata DYE’yê Tulsi Gabbard ve hate weşandin, hate gotin “Çîn li ser ewlehiya neteweyî ya DYE’yê, gefa herî berfireh ûgirîng a leşkerî ye.”
Tulsi Gabbard roja Sêşemê li Senatoyê di rûniştinekê de diyar kiribû ku li gorî agahiyên li ber destê DYE’yê, Çîn hevrikê herî stratejîk ê xurt ê DYE’yê ye.
Gabbard got, “Artêşa Çînê xwedî derfetên pêşketî yên weke fuzeyên hîpersonîk, balafirên xelayet, keştiyên binê avê yên pêşketî, amûrên şer ên kompûterê û cebilxaneyeke hîn mezintir a ji çekên nukleerî ye.”
Li gorî rapora civata îstîxbaratê Pekîn wê ji bo lawazkirina DYE’yê ya ji hundir û li qada navneteweyî ‘wê karên xwe yên xayin, zordar û bandora hilweşîner dewam bike’.
