Rêxistin, siyasetmedar, parêzer û rojnamevanên Qibrisê bi daxuyaniya çapemeniyê piştevaniya bi Medya Haber TV û Sterk TV re ragihandin û helwesta Belçîkayê şermezar kirin. Di daxuyaniyê de hat diyar kirin ku berpirsyarê serdegirtina saziyên Kurdan rejîma Erdogan e û hevkariya veşartiya ya dewleta Tirk û Belçîkayê jî hat şermezarkirin.
Di daxuyaniyê hat xwestin ku Yekîtiya Ewropayê der barê mijarê de daxuyanî bide, ji hemû rojnamevanên Qibris hat xwestin ku bertek nîşan bidin û her wiha bêdengiya saziyên Ewropayê hat şermezarkirin.
Di berdewamiya daxuyaniyê de banga xwedîderketina li rojnamevanên Kurd hat kirin û wiha hat gotin: “Em li gel rojnamevanên Kurd ên ku peyamên serbilindî, rûmet û berxwedanê didin her aliyê cîhanê ne. Ji bo Qibris a ku di bin dagirkeriya Tirkiyeyê de; em li ba gelê Kurd ê ku di têkoşîna azadî, mirovahî û demokrasiyê de israr dike ne.”
Kes û saziyên ku daxuyanî îmze kirine ev in:
Serokê Tevgera Ekolojîst-Koalîsyona Sivîl û parlamenterê berê Giorgos Perdîkîs
Endamê Parlamentoya Ewropayê Dîmîtrîos Papadakîs
Parlamenterê Sosyalîst ê Lefkoşayê Kostîs Efstathîou
Nûnerê çapemeniyê yê AKEL’ê û parlamenter Gîorgos Koukoumas
Parlamentera berê ya Parlamentoya Ewropayê Elenî Theocharous
Çavdêriya ji bo darizandinê ya Kenan Ayaz
Theophilos Kurdistan Cultural Center
Parêzer Efstathios Efstathiou
Parêzer Sokrates Tziazas
Parêzer Dionysis Nikoletopoulos
Rojnamevan Alekos Michaelides
Rojnamevan Elîna Stamatiou
Serokê Rêveberiya Lijneya 29’ê Gulanê ya Omoniayê Adamos Efstathiou
