Gora komî doh dema şeniyên komelgaha Sîba Şêx Xidir di navbera komelgeha Sîba Şêx Xidir û nahiya Tilizêr de ax ji bo xaniyên xwe çêbikin bi kepçê bar dikirin, rast, cilûberg û hestiyên aîdê mirovan hatin. Di gora komî de nasnameya aîdê Seydo Ebas Çûko ku hemwelatiyê komelgeha Sîba Şêx Xidire û ji dema fermana 3’yê Tebaxa 2014’an ve windaye dinav axê de hatiye dîtin.
Li Şengalê dema derketina gora komî hate bihistin, malbatên cangoriyên fermanê û saziyên sivil ên Şengalê hatin cihê gora komî. Malbat û berpirsên saziyên sivil ji hukumeta Federal a Iraqê xwestin ku demekî zûtir timên liser gorên komî kar didin maşandin bên avakirin.
Ji malbata Seydo Ebas Çûko, pismamê wî Sîbok Îsmaîl Çûko dema agahiya gora komî digre berê xwe dide cihe gora komî, ji ber ev 11 de salin agahî ji pismamê xwe Seydo Ebas Çûko nagre. Sibok Îsmaîl Çûko li ser gora komî ji ajansa Rojnewsê re axivî û wiha got: “Agahî dan min gotin di dema kepçe ax dikole de hinek hestî û cilûberg aîdê mirovan derketine û nasnameya kurê apê te Seydo Ebas Çûko dinav wan hestiyan da derketiye. Nasname dest polîsan de bû, li navenda polisan nasnameya kurê apê min Seydo Ebas Çûka nişanî min dan. Raste nasname aîdê kurê apê mine, lê derveyî wî em tiştekî nizanin”.
Sibok Îsmaîl Çûko da xuya kirin ku roja fermanê ew û pismamê xwe Seydo Ebas Çûko li gel hevbûne û wiha axivi: “Roja fermanê ez û wî gel hevbûn, ji gundê Sikêniyê hatibû min ji bo wî got derbasî komelgehê nebe ji ber kes di komelgehê da nemaye. DAIŞ heta navenda komelgehê girtiye pêwîst nake tu biçî. Lê ji ber dayik û bavê wî li gund de mabûn ji bona biçe wana bîne çû gund. Dema em ji hev qetiyan, pîştî demekî bi telefonê li min geriya ji min re got DAIŞ’ê wan girtine. Ji wê rojê şunde tu agahiya me jê nîne. Hestiyên di gora komî da hatine ditin aîdê wîne, an aîdê kesêkî dine em nizanin. Ji bo nasnama wan tespît bibin, me agahî daye saziyên peywendîdar ewê roja şemiyê bên van hestiya bibin. Ez dibêjim hinek hestiyên kesên din ji dibe ku di gora komî de hebin”.
Li Şengalê saziya ku li ser gorên komî xebat dide meşandin yek jê saziya Petrîcore, berpirsê saziya Petrîcorê Xeyrî Elî Îbrahîm ji anî zîman wekî sazi ewê bi saziyên peywendîdar re li ser gorên komî xebat bidin meşandin û wiha axivi: “Saziya me li ser van gorên komî kar dimeşîne, îro li komelgeha Sîba Şêx Xidir hestiyên aîdên du kesan hatine ditin. Tişta ku tê dîtîn gorek a komî li vêderê heye. Ji ber dema kepçê kar radikir hatiye dîtin. Dema kepçê ev hestiyên aîdê mirovan dîtiye karê xwe daye sekinandin. Ji bo ku li vêderê ev gora komî bê vekirin, em û saziyên peywendîdar aweyekî qanûnî kar bidin meşandin.”
Hêzên ewlehiyê li derdora cihê ku tê texmînkirin gorek komî ya dema fermanê ye, bend kişane û çît dane.
