Li herêma Stavropolê li Mala Çandê ya Gundê Fêldmarşala yê girêdayî navçeya Novoaleksandrovkê bi boneya şermezarkirina komploya navnetewî ya li dijî Rêberê Gelê Kurd Abdullah Ocalan a di sala 1999’an de hatibû kirin, daxuyanî hate dayin.
Di daxuyaniyê de Hevserokê Otonomîya Kurdên Herêma Stavropolê Huseynê Çerkez axivî û hêzên komploger bi tundî şermezar kirin. Çerkez da diyarkirin ku bêdengiya hemberî tecrîd û êşkenceyê û bêdengîya li ser êrîşên curbecur tê weteya berdewamîya komploya navnetewî.
Çerkez dawam kir û got: “Dijminên gelê Kurd çi dikin bila bikin, wê di plana xwe de bi ser nekevin. Ji ber ku gelê Kurd li dor Rêberê xwe xelekeke ji pola ava kiriye û li see şopa wî dimeşe. Serkeftin wê ya gelê Kurd be.”
Piştre berpirsiyarê çandê yê Otonomîya Kurdên Herêma Stavropolê Mehmedê Ferman axaftin kir. Ferman hêzên komploger şermezar kirin û bal kişand li ser rewş û pêvajoya ku Kurd di nav de ne. Ferman diyar kir ku “Ew ramana ku Rêber Apo daye me wê ti carî ji dil û mêjiyê me dernekeve. Em ê tim li ser rêça wî bimeşin.”
Çalakî bi berzkirina dirûşmeyên “Bimre Komploger” û “Bijî Rêber Apo” bi dawî bû.
