Di raporekê de ku ji aliyê Inspektorê Giştî yê Operasyona Inherent Resolve ya Emerîkayê ve hatiye weşandin, metirsiyên ewlehiyê yên piştî reva bi hezaran çeteyên DAÎŞ û malbatên wan ji kamp û girtîgehên Bakur û Rojhilatê Sûriyeyê hatine vegotin.
Di raporê de hate diyarkirin ku navbera 15 hezar û 20 hezar kesên ku gumana têkiliyên wan bi DAÎŞ‘ê re hene, piştî hilweşîna pergala ragirtinê ya destpêka îsal a ji ber êrişên komên hikumeta demkî winda bûne yan reviyane.
Li gorî raporê, piştî revandina komî ya jin û zarokên biyanî, hejmara kesan li kampa Holê ji nêzî 23 hezar û 400 kesî daket kêmtirî hezar û 500 kesî.
Di raporê de hatiye destnîşankirin ku derdora hezar û 500 kes ji girtîgeha Şedadê jî reviyane. Hişyarî hate kirin ku şaneyên DAÎŞ‘ê dibe careke din xwe rêxistin bikin.
