Parêzer Elî Şerîf Zade Erkanî, da zanîn ku di 13’yê Nîsanê de dadgeha Şoreşê ya Tehranê, 4 sal û 8 meh cezayê girtîgehê li aktrîsa Kurd Şohra Qemerî ku ji bajarê Sîne ye û niştecihê bajarê Tehranê ye biriye.
Hate diyarkirin ku aktrîsta Kurd bi îdîaya ‘piştgirîkirina Îsraîlê, belavkirina mijarên derewîn ji bo piştgirîkirina Şoreşa ‘Jin, Jiyan, Azadî’ û têkdana ewlehiya giştî’ hatiye cezakirin.
Parêzer Elî Şerîf Zade Erkanî, destnîşan kir ku wan li hemberî biryarê îtîrazkirine.
Hêjayî gotinêye ku di 5’ê Tebaxa 2023’yan de Şohre Qemer ji aliyê hêzên îdareya Îtlaatê ya Îranê ve bêyî fermana dadger hate binçavkirin û piştî 42 rojan di girtîgeha Evîn de ma, bi berdêl û bi awayekî demkî hate berdan. Beriya wê jî ji ber piştgirîkirina Şoreşa ‘Jin, Jiyan, Azadî’ bi 15 meh cezayê girtîgehê hatibû cezakirin.
