Yekemîn Konferansa Meclisa Gel ya Binarê Qendîlê bi dirûşmeya ‘Civakek komîn garantiya jiyanek azade’ hat lidarxistin. Nûnerên 67 gundên herêmê cihê xwe di konferansê de girtin.
Di konferansê de Hevşaredarê Binarê Qendîlê Dilşad Îbrahîm peyama Rêber Apo xwend. Di peyamê de balê dikişîne ser girîngiya xwe rêxistinkirin û bihêzkirina civakê.
Piştre jî hevşaredara din Lavan Hemedemîn rapora kar û xebatan ya du salan xwend.
Di dewama konferansê de çalakvana siyasî Ronahî Hisên ku bi Binar Qendîl tê nasîn peymannameya Meclisa Gel xwend. Her wiha ji bo xebatên bê jî pêşniyar û pilanên bên kirin hatin destnîşankirin.
Piştre jî Fatme Salar kar û xebatên tenduristî yên du salan xwend, bal kişand ser xebat û kêmaniyên hatine kirin û derbaskirina wan.
Di dewamê de çalakvana jin Serwîn Celal xebat û pilanên jinan yên du salên salên bên yên Meclisa Gel ji delegeyan re xwend.
Piştî xwendina rapor û pilansaziyên bên, namzet jî li ser xebat û çalakiyan tevlî nîqaşan bûn.
Di dawiyê de ji bo hevserokên nû deng hate dayîn.
Di encamê de Aram Hisên û Lavan Misteva bûn hevserokên Meclisa Gel ya Binarê Qendîlê.
