Berdevkê Demê yê MIA-FED’ê Îlhan Tan daxuyanî xwend û anî ziman ku êrişên li ser gelê Kurd “Sûcên li dijî Îslamê ye” û bi bîr xist ku dorpêça li ser Kobanê, astengiya li pêşiya alîkariya mirovî jî dewam dike.
Tan got, “Hewldana terbiyekirina gelekî bi birçîbûn û bêdermaniyê ne bi hiqûqa şer lê tenê bi zilmê dikare bê vegotin. Em bi komkujiyên berê yên cîhadîstên weke DAÎŞ û HTŞ’ê zanin. Bedena jinê weke xenîmetê dibînin, sivîlan înfaz dikin. Ev yek sûcê li dijî Îslamê ye.”
Tan cotstandartiya civaka navneteweyî û derdorên olî ya li ser meseleya Kurd rexne kir û anî ziman ku nêzîkatiya ya têkildarî Arakan, Turkistan a Rojhilat û Fîlîstînê tê nîşandan ji bo Rojava û Rojhilat nayê nîşandan.
Tan xwest, Deriyê Sînor ê Murşîtpinarê tavilê bê vekirin û korîdora alîkariya mirovî ji bo Kobanê bê avakirin, li Rojhilat jî dawî li zext û darvekirina Kurdan bê anîn.
