Platforma Saziyên Demokratîk, têkildarî mitînga “Hêvî û Azadiyê” ku dihat payin di 4’ê Çileyê de were lidarxistin lê ji ber barîna berfê hatibû taloqkirin û geşedanên li Sûriyeyê daxuyanî da. Daxuyanî, li Navenda ÇandAmedê bi beşdariya pêkhateyên platformê û gelek kesan hat dayin.
Hevserokê DEM Partiyê yê Amedê Abbas Şahîn di daxuyaniyê de got: “Tişta di xebatên ji bo mitînga 4’ê Çileyê de derketî pêş; azadiya fîzîkî ya birêz Ocalan e. Xebatên me yên ji bo azadiya Rêberê Gelê Kurd Abdullah Ocalan dê bidomin. Em ê mitînga xwe ya ‘Hêvî û Azadiyê’ ya hatibû taloqkirin, di 25’ê Çileyê de lid ar bixin. Banga tevlibûnê li tevahiya gelê xwe dikin.”
Hevseroka DBP’ê ya Amedê Rûçem Vefa Elyakût jî got ku ji bo mitîng baş derbas bibe bi şev û roj dixebitin û ev bang kir: “Ji bo azadiya fîzîkî ya Rêberê Gelê Kurd Abdullah Ocalan em ê di roja 25’ê Çileyê saet di 13.00’ê de mitînga xwe li dar bixin. Dê xebatên me bi kelecan û mirûzeke xweş bidomin. Tevî sazî û gelê xwe ji bo mitîng baş derbas bibe em ê bixebitin. Em banga tevlibûnê li gelê xwe dikin.”
Daxuyanî bi çepikan bi dawî bû.
