Kurdistanî Nwê 2023-05-15
Kitêbêk bo xwêndnewe û nasînî bizûtnewey çep le Kurdistan û nawçeke le salonî Kurdistanî nwê
Rojî şeme 2023/5/13, le salonî Kurdistanî Nwê, korêk bo nasandin û bilawkirdnewey kitêbî (Sazmanî Înqîlabî û Kurdistan) ke nûsîn û amadekirdin û wergêranî rûnakbîr û rojnamenûsî be ezmûn Hesen Qazî ye, berêweçû.
Le seretay korekeda ke le layen rojnamenûs Cewad Heyderîyewe berêwe debra, basêkî kurtî le barey berhem û nûsînekanî Hesen Qazî pêşkeş kird û duwatir helwesteyekî leser mêjûy durustbûnî Sazmanî Înqîlabî kird.
Duwatir nûser û rojnamenûs Sitran Ebdula lebarey kitêbekewe witî: em kitêbey kak Hesen Qazî yekêke le serçawe û kitêbe baş û pir bayexekan ke mêjûy beşêk le bizûtnewey çeb degêrêtewe le Kurdistan û nawçeke be gşitî.
Sitran Ebdula witîşî: em kitêbe beşêkî zorî rolî serok mam Celalîş lew mêjûwe derdexat, be taybet ke mamosta Hesen Qazî wekû rojnamenûs û twêjer û wekû têkoşerîş le 40 bo 50 sallî rabridûda xizmetêkî zorî lew buwareda kirdûwe.
Paşan, le rêgey layf vîdêowe, Hesen Qazî qisey bo amadebuwanî koreke kird û amajey bo çonêtî wergêran û amadekirdin û îzafekanî ser kitêbekey kird, ke ew le farsîyewe werîgêrawe bo Kurdî be îzafekirdinî çend boçûnêkî kurdîyaney tir.
Hesen Qazî, le beşêkî tirî Qisekanî da basî le damezrandin û karkirdin û karîgerîyekanî rêkxirawêkî çepî behêz kird le şestekanî sedey rabirdûda le serdemî şay Iranda ke ewîş rêkxirawî Sazmanî Înqîlabî bû.
Duwatrîş basî lew kesane kird ke le rêkxiraweke rolyan hebûwe û be têruteselîş basî le bayexî kitêbekey kird bo newey êsta.
Her le korekeda û le rêgey vîdêo konfiransewe, nûser û rûnakbîr Elî Kerîmî qisey kird û basî le ezmûn û mandûbûnî Hesen Qazî kird bo kitêbeke û qonaxî Sazmanî Înqîlabî şîkirdewe ke le şestekanda meseley çep û Marksîzm û Maoîzm çi rolêkyan hebûwe le rojhelat û başûrî Kurdistan û be taybet rêkxirawî (Komele) le başûrî Kurdistan.
Le kotayî merasîmekeda, le layen çend amadebûyekewe serinc û boçûn le barey kitêbekewe xiraye rû.
Dirêjey heye…
