Ofîsa Kar û Barên Mirovî ya Neteweyên Yekbûyî (OCHA) ragihand ku Neteweyên Yekbûyî û hevkarên wê piştgiriya bersiva mirovî li Bakur û Rojhilatê Sûriyeyê didomînin. Di vê çarçoveyê de, karwanekî mirovî ya hevbeş a duh gihaşt bajarê Qamişlo ku xwarin, cil û berg, betanî û pêdiviyên din ên bingehîn tê de hebûn û destnîşan kir ku “di rojên pêş de dê karwanên din jî werin şandin.”
Ofîsê ragihand ku hevkarên mirovî xwarin, nan û alîkariya diravî li navendên kombûnên û stargehan belav dikin, her wiha xizmetên tenduristiyê û piştgiriya xwarinê ji zêdetirî hezar û 500 zarokan û jinên ducanî û şîrdêr li Hesekê û deverên gundewarî yên derdora wê re hatine pêşkêşkirin.
Berdevkê NY’yê Stéphane Dujarric diyar kir ku hevkarên li ser erdê ragihandine ku “xizmeta elektrîk û înternetê hîn li bajarê Kobaniyê nehatiye vegerandin” û ev yek êşa şêniyên ku ji ber dorpêça çeteyên hikumeta demkî ya Sûriyeyê, di rewşeke mirovî ya dijwar de dijîn, girantir dike.
OCHA’yê diyar kir ku ji Cotmeha borî ve, hevkarên mirovî alîkariya zivistanê, wek betanî, cil û berg û pêdiviyên germkirinê, ji bo nêzîkî 450 hezar kesan li seranserê Sûriyeyê peyda kirine.
