Serokê Giştî yê Partiya Îslamiya Kurdistan (PÎK) Hîkmet Serbilind diyar kir ku Remezan ne tenê rojî û dema îbadetê ye, di heman demê de ji bo belavbûna edalet û rehmê li rûyê erdê wesîleyeî girîng e.
Serbilind Cejna Remezan a pîroz di serî de li gelê Kurd û hemû gelên alema Îslamê pîroz kir û wiha got: “Hevîya me ji Rehman ewe ku ji bo xatirê cejna Remezana pîroz ji asîmana tîrêjen nura xwe ji bo aşîtiyê û azadiye li rûyê erdê belav bike û gelên Misilman û hemû gelên cîhanê bi adalet û mezinbûna xwe bihesînê.
Remezan mehekî piroz e, di vî mehê de Xwedayê Rehman ji bo adalet, wekhevî û aşitiyê û her wiha ji bo mirovahiyê ji koletiya zaliman, dîktatoran û dînfiroşan azat bike Qurana pîroz şandiyê rûyê erdê.
Serokê PÎK’ê di peyama xwe de diyar kir ku di meha Remezanê de jî êrîşên dewleta Tirk a dagirker ên li ser Rojava û Başûrê Kurdistanê nerawestiyane û wiha got: “Zaliman nehiştin îsal jî Remezan bi ruhekî germ û aşîtî derbaz bibe. Bombebaranên hewayî û polîtîkayên dagirkeriyê dewam dikin. Di vê roja pîroz de hêviya me ji Xwedê ew e ku gelê Kurd ji zilma dagirkeran biparêzê.
Daxwaza me ji Xwadayê dilovan ew e ku cejna Remezana pîroz ji bo gelê Kurd bibe wesîla xwişk-biratiyê û yekîtiya Netewî. Hêvîdar im Cejna Remezanê bibe wesîleya edalet, wekhevî, aşitî, xwişk-biratî û aramiyê û bi van hestan cejna Remezanê li gelê Kurd û alema Îslamê pîroz dikim.”
