Li Colemêrgê Abdûrrahman Gemîcîoglû yê 67 salî piştî ku cezayê wî ji aliyê Daraz ve hate erêkirin, tevî ku nexweşiya giran jî pê re heye di 3’yê Cotmehê de hate girtin û sewqî Girtîgeha Ewlekariya Bilind a Wanê hate kirin. Gelek nexweşiyên mîna penceşêra kolonê, prostat û êşa dil bi Gemîcîoglû re hene. Ji roja hatî girtin û vir ve her roj sewqî nexweşxaneyê tê kirin. Gemîcîoglû yê ku şeva 25’ê Cotmehê nerehet bû, sewqî beşa lezgîn a Nexweşxaneya Lêkolîna Fakulteya Tib a Zanîngeha Yuzuncu Yil a Wanê hate kirin. Tedawiya Gemîcîoglû 18 roj in li beşa lezgîn a nexweşxaneyê didome.
Elîf Gemîcîoglû diyar kir ku tedawiya bavê wê di nîvê de maye û got: “Girtîbûna xwe û cihê ku lê ye, ji bîr dike, êdî mirov nayên bîra wî.”
