– Pêşiya Mitînga Hêvî û Azadiyê ku wê ji bo azadiya Rêber Apo di 4’ê Çileyê de li Qada Stasyonê ya Amedê were lidarxistin, li seranserê bajer amadekarî dewam dikin. Hevserokê DEM Partî yê Amedê Abbas Şahîn diyar kir ku banga mitîngê li qadê bersiveke xurt girtiye û got xebat tevî şert û mercên nebaş ê hewayê jî bêyî navber dewam dike.
– Çimen Fidan ya ku dibêje TJA di sala 2025’an de pêşengiya daxwazên aştiyê kiriye, got: “Yekitiya jinan û rêxistinbûna wan, xebatên ji nû ve avakirinê û komînan, di sala 2026’an de wê bibin sernavên sereke yên herî berbiçav ku me danîne ber xwe.”
– Piştî ku HTŞ di 8’ê Kanûna 2024’an de bi serkêşiya Colanî li Sûriyeyê bû desthilatdar, 29 jê zarok 650 jin ji ber bermahiyên şer, êrişên çekdarî, êrişên mezhebî, tundiya li nava malbatê û tundiya civakî jiyana xwe ji dest dan.
– Çalakvana femînîst Ferîde Eralp diyar kir ku têkoşîna jinan di sala 2025’an de bi gelek êrîşan re rû bi rû ma û got, “Têkoşîna me dê di sala 2026’an de jî bi vê perspektîfê berdewam bike. Li pêşiya me jiyaneke ku em bi ser bikevin heye.”
– Mûçeyê kêmtirîn ê sala nû têra kirêya malê nake. Xelkê Amedê diyar kirin ku ew pêwîstiyên bazarê bi deyn dikirin. Xelkê Amedê bertek nîşanî krîza ku her diçe kûr dibe û gotin “Em birçî radizên û birçî şiyar dibin. Em bi meraq ka wê sibê çi bibe dijîn. Rojên xirabtir li pêşiya me ne.”
– Azîz Tûnç têkoşîna civakî ya ku li dijî komkujiyên Elewiyan ên li Sûriyeyê pêş ket nirxand û destnîşan kir ku xeta berxwedan û têkoşînê ku ji aliyê Elewiyan ve hatiye pêşxistin, dînamîkeke ku dikare li Sûriyeyê rê li ber pêşerojeke demokratîk veke.
