Şoreşa “Jin, Jiyan, Azadî” ku piştî qetilkirina Jîna Emînî destpê kir, di salvegera çaremîn de ye. Tifaqa Hêzên Siyasî ya Rojhilatê Kurdistanê beirya çend rojan bang kir ku ji bo bîranîna şehîdên şoreşê û nîşandana nerazîbûnê li seranserê Kurdistanê greva giştî pêk were.
Vê sibehê li bajarên Sine, Bane, Pîranşar, Seqiz, Senendec û Mahabad ên Rojhilatê Kurdistanê gel bi xurtî tevlî greva giştî bû. Dikan nehatin vekirin, bazar nehate danîn û li hemû qadên cemaweriyê serwerî heye.
Hêzên rejîma Îranê û hêzên Muxafizên Şoreşê yên Îranê li hemberî welatiyan dest bi pêla binçavkirin û serdegirtina malan kirin.
Ji bo pêşî li serdana Goristana Ayçî bê girtin ku gora Jîna Emînî lê ye, hêzên rejîmê ava Bendava Çirax Weys a li ser rê berda. Her wiha destûr nehate dayin ku malbata Jîna Emînî û malbatên cangoriyên şoreşa “Jin, Jiyan, Azadî” ji mala xwe derkevin.
Li aliyê din, li gorî agahiyên ji çavkaniyên xwecihî, li bajarê Mahabadê hêzên rejîmê li kolanan hejmara xwe zêde kirine.
