Rojnamevan Andrzej Poczobut bi navbeynkariya DYE’yê di çarçoveya pevguhertina dîlgirtiyên pir neteweyî de ji girtîgeha Belarûsê hat berdan.
Serokwezîrê Polonyayê Donald Tusk di parvekirina ser medyaya dîjîtal daxuyanî da û got, “Andrzej Poczobut azad e! Bi xêr hatî mala xwe ya Polonyayê, dostê min.”
Poczobut di sala 2021’an de bi hincetên siyasî hat binçavkirin û darizandin. Heşt sal cezayê girtîgehê li Poczobut hat birîn. Di demên dawî de ji ber xirabûna tenduristiya wî di nava qada navneteweyî de rê li ber fikaran vekir.
Berdana Poczobut parçeyek ji pevguhertina dîlgirtiyan a di navbera welatên wekî Belarûs, Polonya, Rûsya, Ukrayna û hin welatên din e. Hat diyarkirin ku nûnerê Taybet ê DYE’yê yê li Belarûsê John Coale jî beşdarî pêvajoyê bû.
Di encama hevdîtinên bi lîderê Belarûsê Alexander Lukashenko re pevguhertina dîlgirtiyan pêk hat û hat ragihandin ku ji welatên cuda jî girtî hatin berdan.
Berdana Poczobut ê ku yek ji xwediyê Xelata Sakharov a 2025’an ku ji hêla Parlamentoya Ewropayê ve hatî dayîn, li qada navneteweyî bi kêfxweşî hat pêşwazîkirin.
