Şahida Komkujiya Dêrsimê Anê Xatun (Hanife Guleç) a ku jiyana xwe ji dest da, li Pulurê çû ser dilovaniya Xwedê û sipartin axê.
Piştî erkana olî, kurê Anê Xatun û Endamê Desteya Weşanê ya PİRHAyê (Ajansa Nûçeyan a Pîr) Velî Haydar Guleç axivî û wiha got: “Dibêjin dema dayika mirov dimire, çira malê dimire. Îro çira mala me mir. Dayika min êşên giran dîtin. Dayik, bav û xizmên xwe winda kirin, sirgûnî jiya. Êşan tu carî dest ji wê berneda. Di salên 90’î de kurekî xwe winda kir. Êşa xwe avêt dilê xwe û di bêdengiyê de ma. Dayika min hemû êş di dilê xwe û hemû bar li pişta xwe girt. Îro jî ji nav me bar kir. Oxir be.”
