Endamê Şandeya Îmraliyê ya Partiya Wekhevî û Demokrasiyê ya Gelan (DEM Partî) û Serokwekîlê Meclisê Sirri Sureyya Onder li nexweşxaneya ku lê dihat dermankirin jiyana xwe ji dest. Gelek kes hatin Nexweşxaneya Florence Ningtingale ya ku Onder lê ye. Nexweşxane ji mêvanan tijî bû, Şaredarê Bajarê Mezin ê Stenbolê Nûrî Aslan, Serokê Partiya Gelekê Ahmet Davûtoglû, Cîgirê Serokomar Cevdet Yilmaz, Waliyê Stenbolê Davût Gul, Hevserokê DEM Partiyê Tuncer Bakirhan, endamên Meclisa DEM Partiyê û gelek welatî ber bi nexweşxaneyê ve herikîn.
Sersaxiya ji bo Onder li Navenda Çandê ya Nazim Hîkmet a Şîşliyê tê qebûlkirin . Hevserokê Giştî yê DEM Partiyê Tuncer Bakirhan, Hevberdevkên HDK’ê Alî Kenanoglû û Meral Daniş Beştaş, Parlamentera DEM Partiyê û endama Şandeya Îmraliyê Pervîn Bûldan, aktîvîsta TJA’yê Sebahat Tuncel û endamên DEM Partiyê pêşwaziya welatiyên ji bo sersaxiyê tên, dikin.
Hola Şanoyê ya Navenda Çandê ya Nazim Hîkmet a ku sersaxî lê tê qebûlkirin, ji kesan tijî bû. Wêneyê Sirri Sureyya Onder li ser ekranê hat pêşandan. Mase bi wêneyên Onder û qurnefîlan hate xemilandin.
SEROKWEKÎKÊN KOMA DEM PARTIYÊ DAXUYANÎ DAN
Serokwekîlên Koma DEM Partiyê Sezaî Temellî û Gulistan Kiliç Koçyîgît di dawiya sersaxiyê de daxuyanî dan.
Gulistan Kiliç Koçyigît diyar kir ku wan gelê Stenbol vexwendine merasîma bîranînê ya ku wê li Navenda Çanda Ataturkê were lidarxistin û got, “Piştre ew ê bibin Mizgefta Barbarosê, li wir merasîma cenazeyê wê were lidarxistin û piştre em ê li Goristana Zîncîrlîkûyûyê xatirê wî bixwazin. Me hevalekî xwe yê ku ji bo aştiyê gelek xebitî winda kir. Êşa me mezin e û em ê sibê xatirê xwe jê bixwazin.”
Sezaî Temellî jî anî ziman ku Onder 18 rojan li ber xwe da û wiha domand: “Em pir xemgîn in. Têkoşîna wî ya ji bo aştiyê rê nîşanî me dide û ew ê ji bo me bijî. Ji bo kesên ku nikarin werin Stenbolê wê li hemû navçeyan sersaxî dê werin danîn. Em her kesî vedixwînin bîranîna Sirri Sureyya Onder.”
