Serokê Baroya Amedê Tahîr Elçî ku di 28’ê Mijdara 2015’an de li ber Mînareya Çar Ling a li navçeya Sûr a Amedê hate qetilkirin, di salvegera 10’emîn a mirina xwe de li Goristana Yenîkoy a li navçeya Rezan a Amedê li ser gora xwe hate bîranîn.
Serokên gelek baroyan, nûnerên partiyên siyasî û rêxistinên civakî yên sivîl beşdarî bîranînê bûn.
Di bîranînê de dua hate kirin û girseya gel qurnefîl danîn ser gora Tahîr Elçî.
