Tîmên Tolhildana Şehîdên Kurdistanê derbarê du çalakiyên ku li herêma Bane û Rebetê hatin lidarxistin daxuyaniyeke nivîskî da û ragihand ku 2 kesên ku destê wan di xwîna gel û şoreşgerên Kurdistanê de hene, hatine cezakirin. Tîmên Tolhildana Şehîdên Kurdistanê hişyarî da ku aqûbeta kesên destê wan di xwîna gel û şoreşgeran de hebe wê mîna van kesan be û wê bigihêjin cezayên pêwîst.
Daxuyanî bi vî rengî ye;
Ji bo raya giştî;
Di dîroka 30’ê Tîrmeha 2026’an de tîmên me li herêma Bane û Rebetê 2 çalakiyên cûda pêkanîn. Di wan çalakiyan de 2 cehşên ku destê wan di xwîna gel û şoreşgerên Kurdistanê de hebûn hatine cezakirin.
Kerîm Besî li Herêma Bane û Kamûran Pehlewî li herêma Rebet ji aliye Tîmên me ve hatine cezakirin.
Armanca me ji van çalakiyan xaka xwe ji kesên xwefiroş û bi dijmin re hevkarî kirin paqijkirin e. Ew kesên ku bûne hedefa tîmên me bi salaye hevkarî bi dijmin re kirine û gelek caran faaliyet li dijî gelê me yê welatparêz û şoreşgeran dane meşandin. Bi taybet cehşê bi navê Kamûran Pehlewî destê wî di xwîna Gerîla û Pêşmergeyan de hebûye û gelek bûyerên din jî bi awayekî çalak têde cihê xwe girtiye. Kerîm Besî jî sîxurekî çalak bûye bi salaye bi hêzên emniyetê re kar daye meşandin.
Ev çalakî ji bo tolhildana Şehîd Kurdistanê hatiye li dar xistin. Em careke din dibêjin ku kesên destê wan di xwîna gel û şoreşgeran de hebe wê aqîbeta wan mîna van kesan be û wê bigihêjin cezayên pêwîst.
Bi vî awayî çalakiyên ku têne kirin aliyên ku van çalakiyan digrin ser xwe û tu eleqeyan wan pê nîne, em carek din hişyar dikin û di heman demê de vî awayî girtina ser xwe û gel û raya giştî xapandin kiriyarên bi vî awayî em şermezar dikin.”
