Wezareta Parastinê ya Rûsyayê, ragihand ku di şevekê de 105 balafirên bêmirov ên Ûkraynayê li gelemperiya welêt hatine bêbandorkirin.
Moskowayê ragihand ku wan li 19 balafirên bêmirov xistin e û hat gotin ku hin parçeyên balafirên bêmirov li kolaneke li başûrê bajêr ketine.
Di êrîşan de tu kes birîndar nebûn. Çar balafirgehên mezin ên li paytextê bi rengekî demkî hatine girtin. Li xeta Volga jî li gelek bajaran di trafîka hewayî de astengî çêbûn.
Li herêmên Voronezh û Penza bi giştî 28 balafirên bêmirov hatin xistin. Di dema êrîşan de li herêma Kurskê 2 ciwan birîndar bûn û elektrîk qut bû.
Ev êrîş tenê çend roj berî merasîma leşkerî ya Roja Serketinê pêk hatin ku dê bi beşdarbûna Vladimir Putin û rêberên biyanî li Moskowê were lidarxistin.
Li aliyê din, di encama êrîşa bi balafirê bêmirov a li herêma Odessa ya Rûsyayê de kesek jiyana xwe ji dest da.
Moskowayê diyar kir ku ew di navbera 8 û 10’ê Gulanê de ji bo sê rojan agirbest ragihandiye. Lê Ûkranya li gorî vê agirbestê wê tevbigere ango negere nediyar e.
Ûkranya li dijî Moskowayê bi balafirên bêmirov êrîşeke berfireh pêk anî
Ûkranyayê beriya pîrozbahiyên salvegera serketina li hemberî Elmanya Nazî ya 9’ê Gulanê, li dijî Rûsyayê êrîşeke berfireh a bi balafirên bêmirov pêk anî.
Nirxandinek Bike
Nirxandinek Bike
Me Bişopîne!
Tu dikarî li ser gelek platforman rûpelên me bişopînî.
