Alîkara Serokwezîriya Ûkrayna Yulia Svyrydenko li ser X’ê daxuyanî da û diyar kir ku koma Ûkraynayê li ser vê belgeya “stratejîk” wê bi “pêşxistina muzakereyan” were wezîfedarkirin. Svyrydenko got, şande wê ji nûnerên “Wezaretên Ekonomî, Karên Derve, Edalet û Maliyeyê” pêk were.
Svyrydenko anî ziman ku ev metin diyaloga Ûkrayna-Emerîkayê weke ‘biryardariyeke hevpar a zelal’ nîşan dide. Versiyona nû ya belgeya navborî ji aliyê saziyên medyayê û parlamenterên Ûkraynayî ve ji bo Kîevê weke dezavantaj hatibû nirxandin.
Di meha Sibatê de li Qesra Spî di navbera Serokê Dewleta Ûkraynayê Volodimir Zelenskiy û Serokê DYE’yê Donald Trump de, nîqaş çêbibû. Piştî vê nîqaşê îmzekirina peymaneke di vê çarçoveyê de, pêk nehat. Lê belê di dawiya meha Adarê de versiyoneke nû ya vê metnê gihişt Ûkraynayê.
Di 30’ê Adarê de Trump hişyarî da Zelenskiy ku eger peymanê red bike, ‘wê serî wî bikeve belayeke mezin’.
Joe Biden beriya sê salan dema ku dagirkeriya li ser Ûkraynayê destpê kir, di aliyê leşkerî û ekonomîk de alîkarî da Ûkraynayê. Donald Trump vê peymanê weke berdêla vê alîkariyê daxwaz dike.
Kîev jî israr dike ku ji bo di siberojê de pêşî li êrîşeke muhtemel a Rûsan bigirin, garantiya ewlekariyê ya Emerîkayê li ser belgehê were zêdekirin.
Li gorî nûçeyên çapemeniyê, di versiyona nû ya belgeyê de qala garantiyên bi vî rengî nayê kirin.
