Piştî ku Serokwezîra Letonyayê Evika Silina rexneyên tund li wezîrê parastinê kir, biryara îstîfayê hat girtin.
Silina li ser platforma medyaya dîjîtal a X’ê daxuyanî da û diyar kir ku pergalên parastina hewayî bi qasî tê xwestin bi lez nehatine çalakirin û got, Spruds “baweriya hem hikûmet û hem jî raya giştî winda kiriye.”
Serokwezîr wiha berdewam kir: “Ev bûyer bi zelalî nîşan dide ku rêveberiya siyasî di qada parastinê de soza xwe ya ji bo misogerkirina qada hewayî ya ewlehiya welêt bi cih neaniye.”
WEZÎRÊ NÛ YÊ PARASTINÊ DIYAR BÛ
Silina bi bîr xist ku Letonya yek ji wan welatan e ku di nav NATO’yê de budçeya herî zêde ji bo parastinê vediqetîne û diyar kir ku lêçûnên parastinê yên welêt nêzîkî ji sedî 5 dahata neteweyî ye.
Hikûmetê ragihand ku Albay Raivis Melnis wê ji bo Wezîrê Parastinê were tayînkirin.
DRON JI SÎNORÊN RÛSYAYÊ DERBAS BÛN
Roja Pêncşemê, du dronên ku ji sînorê Rûsyayê derbas bûn yek jê li tesîsa depoyê ya petrolê ya bajarê Rezekneyê ket. Agirê ku piştî êrîşê derket holê zû hate kontrolkirin.
Andrii Sybiha jî diyar kir ku dibe ku ev dron ji ber pergalên şerê elektronîkî yên Rûsyayê berê xwe guherandine û yên Ukraynayê bin.
BANGA XURTKIRINA PARASTINA HEWAYÎ LI NATO’YÊ KIRIN
Piştî bûyerê, Letonya û Lîtvanya bang li NATO’yê kirin ku kapasîteya xwe ya parastina hewayî li herêmê zêde bike.
Artêşa Letonyayê hişyarî da ku heta ku Rûsya êrîşên xwe yên li ser Ukraynayê berdewam bike, dibe ku binpêkirinên qada hewayî yên bi vî rengî dîsa çêbibin .
