Xwendekarên zangihên Enqereyê duh li dijî polîtîkayê zext û zordariya desthilata paşverû çalakî li dar xstin û bi êşkenceyê hatin binçavkirin. Xwedekarên zanîngehê yên Stenbolê ji bo şermezarkirina êşkencekirina xwendekaran û xwedî li çalakiya wan derkevin li qada Şîşhaneyê ya Stenbolê çalakî li dar xistin.
Polîsan di têketina qadê de ji ber dovîza “Ferman a qesrê be kolan ên me ne” xwendekarê bi navê Hejar Al binçav kirin. Xwendekarên din bertek nîşanî vê yekê dan û biryar dan ku heta hevalên wan neyê berdan ew ê dest bi çalakiyê nekin. Piştî demekê xwendekarê binçavkirî hat berdan û bi wêneyê Denîz Gezmiş ket qadê. Al der barê pêkanînên keyfî yên polîsan de ev tişt got: “Em ji bo êşkenceya polîsên Enqereyê li hevalên me kirin eşkere bikin hatin vir. Polîsan nehiştin ku bi dovîza ‘Ferman a qesrê be kolan ên me ne’ têkevim qadê. Ev nî nîşan dide ku bê fermana êşkence û tundiya polîsan ji ku derê tê dayîn. Ji ber vê hatina vir tê wateya kolan ên me ne. Hilweşandina bendên li Beyazîtê tê wateya ku kolan ên me ne.”
Di çalakiya ku pankarta “Êşkence sûc e! Zilm wê ciwanan bêzar neke” hat hilgirtin de, xwendekarê zanîngehê Umut Kabakli daxuyanî xwend.
Kabakli diyar kir ku binçavkirin, girtin û êşkenceyên ji 19’ê Adarê û vir ve li ser ciwanan tên kirin, ne tesaduf in û destnîşan kir ku ev êrîş parçeyeke polîtîkayên zext û tirsandinê yên sîstematîk ên desthilata AKP’ê ye. Kabakli bal kişand ser hewldana Walîtiya Enqereyê ya ji bo rewakirina êşkenceyê û anî ziman ku ev jî nîşan dide ku êşkence bi destê desthilatê tê teşwîqkirin. Kabakli xwewst ku derbarê polîsên êşkencekar de lêpirsîn bê destpêkirin û bên darizandin.
Kabakli da zanîn ku ew di heman demê de hîmê cîhanek nû ya datînin û ev tişt anî ziman: “Bi têkbirina polîtîkayên tarî yên desthilatê, em ê hemû bi hev re siberojeke wekhev, azad û hevgirtî ava bikin. Wê ti carî meşa azadiyê ya ciwanan raneweste û têkoşîna me ya ji bo azadî, wekhevî û edaletê bi xurtî bidome.”
